ସଂସ୍ଥାନ ର ଗଠନ:ଶ୍ରୀ ଶିରିଡି ସାଇଅ କୃପା ସଂସ୍ଥାନର ଗଠନ ୧୯୯୮ ମସିହାରେ ପୂଜ୍ୟ ଗୁରୁଜୀ ଶ୍ରୀ ଚନ୍ଦ୍ରଭାନୁ ଶତପଥୀ,ଶ୍ରୀ ସୁରେଶ ପଣ୍ଡା ଏବଂ ଅନ୍ୟ ସାଇ ଭକ୍ତଙ୍କ ଉପସ୍ଥିତି ରେ ହୋଇଥିଲା|ସେ ସମୟରେ ବାରିପଦା ସହରରେ ଗୋଟିଏ ହେଲେ ସାଇ ମନ୍ଦିର ନ ଥିଲା| ପ୍ରତ୍ୟେକ ଗୁରୁବାର ସଂଧ୍ୟାରେ ପୂଜ୍ୟ ଗୁରୁଜୀଙ୍କ ଘରେ କିଛି ଭକ୍ତ ଏକତ୍ରିତ ହୋଇ ବାବାଙ୍କ ଆରତି ଏବଂ ଭଜନ ଗାନ କରୁଥିଲେ| ଏହି ପ୍ରକ୍ରିୟା ୨୦୦୦ ମସିହା ଯାଏଁ ଚାଲିଥିଲା |ପ୍ରାରମ୍ଭରେ ଏହାର ସଦସ୍ୟ ସଂଖ୍ୟା ଖୁବ ଅଳ୍ପ ଥିଲା, ଧିରେ ଧିରେ ଏହା ବଢି ଚାଲିଲା|

ଭୂମି ପୂଜନ:ବହୁ ବର୍ଷର ବ୍ୟବଧାନ ପରେ ୨୦୦୦ ମସିହାରେ ଯେତେବେଳେ ପୂଜ୍ୟ ଗୁରୁଜୀ ବାରିପଦା ଆସିଥିଲେ,ସେତେବେଳେ ସେ ଭକ୍ତଙ୍କ ଆବଶ୍ୟକତା କ’ଣ ବୋଲି ପଚାରିବାରୁ ସମସ୍ତେ ଏକ ସ୍ବରରେ “ବାବାଙ୍କ ମନ୍ଦିର“ ବୋଲି କହିଲେ |ଉତ୍ତରରେ ଗୁରୁଜୀ-“ଠିକ ଅଛି“ ବୋଲି କହିଲେ ଏବଂ ନିଜର ପରବର୍ତ୍ତୀ ଆଗମନ ସମୟରେ ମନ୍ଦିର ଭୂମି ପୂଜନର ଆୟୋଜନ କରିଲେ|ସେ ସମୟର କିଛି ସ୍ମରଣୀୟ ଚିତ୍ର ଦେଖିବାପାଇଁ ଏଠାରେ କ୍ଲିକ୍ କରନ୍ତୁ |ଏ ସଂପର୍କିତ ଶ୍ରୀ ବିଜୟ କୁମାର ସାହୁ(ଭୁବନେଶ୍ବର)ଙ୍କ ପ୍ରତ୍ୟକ୍ଷ ଅନୁଭବ କୁ ପଢିବା ପାଇଁ ଏଠାରେ କ୍ଲିକ୍‌ କରନ୍ତୁ|

ଉଦ୍‌ଘାଟନ ସମାରୋହ:ଦିନାଙ୍କ ୧୪ ଅପ୍ରେଲ୍‌ ୨୦୦୧ ରେ ଏହି ମନ୍ଦିରର ଉଦ୍‌ଘାଟନ ସମାରୋହ ପୂଜ୍ୟ ଗୁରୁଜୀଶ୍ରୀ ଚନ୍ଦ୍ରଭାନୁ ଶତପଥୀଙ୍କ କରକମଳରେ ହଜାର ହଜାର ଶ୍ରଦ୍ଧାଳୁଙ୍କ ଗହଣରେ ଅନୁଷ୍ଠିତ ହେଲା|ଯଦିଓ ମନ୍ଦିରର ଭୂମି ପୂଜା ପ୍ରାୟ ୧ ବର୍ଷ ପୂର୍ବେ ହୋଇଥିଲା କିନ୍ତୁ ବିଭିନ୍ନ କାରଣବଶତଃ ମନ୍ଦିର ନିର୍ମାଣ କାର୍ଯ୍ୟ ଆରମ୍ଭରେ ବିଳମ୍ବିତ ହୋଇ ମଧ୍ୟ ପ୍ରକୃତ ନିର୍ମାଣ କାର୍ଯ୍ୟ ଆରମ୍ଭର ମାତ୍ର ସାଢେ ୩ ମାସ ମଧ୍ୟରେ କାର୍ଯ୍ୟ ସଂପୂର୍ଣ୍ଣ ହେଲା|ଏହା ଏକ ଚମତ୍କାର କହିଲେ ଅତ୍ୟୁକ୍ତି ହେବ ନାହିଁ |

ତିନି ଦିନ ବ୍ୟାପୀ ଏହି ସମାରୋହରେ ଭାରତ ତଥା ଭାରତ ବାହାରୁ ମଧ୍ୟ ହଜାର ହଜାର ଶ୍ରଦ୍ଧାଳୁ ଏକତ୍ରିତ ହୋଇଥିଲେ |ଦିଲ୍ଲୀର ଶ୍ରୀ ସାଇ ସେବା ଟ୍ରଷ୍ଟ ର ବାରିପଦା ଶାଖା ଏହି ମନ୍ଦିରର କାର୍ଯ୍ୟଭାର ଗ୍ରହଣ କରିଛନ୍ତି |ପୂଜ୍ୟ ଗୁରୁଜୀ ଏହାର ମୁଖ୍ୟ ପୁରୋଧା ଏବଂ ଶ୍ରୀ ଶୈଳେନ୍ଦ୍ର ସେଠ୍‌ ମୁଖ୍ୟ କାର୍ଯ୍ୟନିର୍ବାହୀ ଟ୍ରଷ୍ଟି ତଥା ଶ୍ରୀ ଶାନ୍ତନୁ ଶତପଥୀ ସଂପାଦକ ଅଟନ୍ତି |