ବାରିପଦା ସହରଟି ବୁଢାବଳଙ୍ଗ ନଦୀ କୂଳରେ ଅବସ୍ଥିତ ଏବଂ ଏହା ଓଡିଶାର ମୟୂରଭଞ୍ଜ ଜିଲ୍ଲାର ସଦର ମହକୁମା ଅଟେ ତଥା ପୂଜ୍ୟ ଗୁରୁଜୀ ଶ୍ରୀଯୁକ୍ତ ଚନ୍ଦ୍ରଭାନୁ ଶତପଥୀଙ୍କ ଜନ୍ମସ୍ଥାନ |ତା ୧/୧/୧୯୪୯ ରେ ଭାରତରେ ମିଶ୍ରଣ ପୂର୍ବରୁ ବାରିପଦା ଭଂଜ ରାଜା ମାନଙ୍କର ରାଜଧାନୀ ଭାବେ ଶହ ଶହ ବର୍ଷ ଧରି ରହିଆସିଥିଲା |ଭଂଜ ରାଜ ବଂଶ ର ମହାରାଜ ଶ୍ରୀରାମଚନ୍ଦ୍ର ଭଂଜ ନିଜର ପ୍ରଜାବତ୍ସଳତା ଯୋଗୁଁ ଖୁବ୍‌ ଲୋକପ୍ରିୟ ଥିଲେ | ସେ ହିଁ ମୟୂରଭଂଜ ରେ ବ୍ରହ୍ମ ସମାଜର ପ୍ରତିଷ୍ଠା କରିଥିଲେ ତଥା ଉତ୍କଳ ସମ୍ମିଳନୀର ପ୍ରଥମ ସଭାପତି ମଧ୍ୟ ଥିଲେ |ମାୟୂରଭଂଜ ର ସମସ୍ତ ଶାସକମାନେ ଧର୍ମନିଷ୍ଠ ତଥା ଭଗ୍‌ବତ୍‌ବିଶ୍ବାସୀ ଥିଲେ |ଦେବୀ କୀଚକ ସେମାନଙ୍କର ଆରାଧ୍ୟା ଦେବୀ ଅଟନ୍ତି|ଏପରି ମାନ୍ୟତା ରହିଛି କି ପାଞ୍ଚପାଣ୍ଡବ ମାନେ ଅଜ୍ଞାତବାସ କାଳରେ କିଛି ବର୍ଷ ମୟୂରଭଂଜ ରେ ଅବସ୍ଥାନ କରିଥିଲେ,ଯାହା ଆଜି ସମୀ ବୃକ୍ଷ ନାମେ ଜଣାଶୁଣା |ମାଆ ଅମ୍ବିକା ହେଉଛନ୍ତି ଏଠିକାର ଅଧିଷ୍ଠାତ୍ରୀ ଦେବୀ |ବାରିପଦାରେ ହେଉଥିବା ରଥଯାତ୍ରା ପୁରୀ ପରେ ବିଶ୍ବ ରେ ଦ୍ବିତୀୟ ଓ ସମାନ ଗୁରୁତ୍ବ ରଖି ଥାଏ |ଏପରି କୁହାଯାଏ କି ମୟୂରଭଂଜ ମହାରାଜଙ୍କର ସମ୍ମାନ ତଥା ମର୍ଯ୍ୟାଦାକୁ ରକ୍ଷା କରିବା ପାଇଁ ନିଜେ ପ୍ରଭୁ ଜଗନ୍ନାଥ ଏଠାରେ ଆସି ଅବସ୍ଥାନ କରିଛନ୍ତି |ଏଥିରୁ ଏହା ସ୍ପଷ୍ଟ କି ମୟୂରଭଂଜବାସୀ ମାନେ ପ୍ରାଚୀନ କାଳରୁ ହିଁ ଧର୍ମାନୁରାଗୀ ଅଟନ୍ତି |

ଏହି ପବିତ୍ର ଭୂମିରେ ଏପରି ଏକ ପୀଠ ର ଆବଶ୍ୟକତା ଥିଲା ଯେଉଁଠି କିଛି ବି ଧର୍ମ,ବର୍ଣ୍ଣ,ବର୍ଗ ପାଇଁ କିଛି ହେଲେ ବନ୍ଧନ ନ ଥିବ ଯାହା କି ଦିନାଙ୍କ ୧୪/୪/୨୦୦୧ ରେ ଏହି ଭୂମିର ବରପୁତ୍ର ଶ୍ରୀଯୁକ୍ତ ଚନ୍ଦ୍ରଭାନୁ ଶତପଥୀଙ୍କ ଦ୍ବାରା ଶ୍ରୀ ଶିରିଡି ସାଇବାବାଙ୍କ ମନ୍ଦିର ପ୍ରତିଷ୍ଠିତ ହୋଇ ପୂର୍ଣ୍ଣ ହେଲା|ପ୍ରକାଶ ଥାଉଅ କି ୧୨ ଅଗଷ୍ଟ ୨୦୦୦ ଦନ ପୂଜ୍ୟ ଗୁରୁଜୀ ଏହି ମନ୍ଦିରର ଭୂମି ପୂଜା କରିଥିଲେ; ଅତି ଚମତ୍କାର ଭାବେ କେବଳ ଗୋଟିଏ ଦିନରେ ହିଁ ଏହି ମନ୍ଦିରର ଭୂମି ପୂଜା ତଥା ମନ୍ଦିର ଜମି ହସ୍ତାନ୍ତର ଏବଂ ପଞ୍ଜୀକରଣ ଆଦି ଅନ୍ୟାନ୍ୟ ସରକାରୀ କାର୍ଯ୍ୟମାନ ସଂପନ୍ନ ହୋଇପାରିଥିଲା|ଏ ସଂପର୍କିତ ଶ୍ରୀ ବିଜୟ କୁମାର ସାହୁ(ଭୁବନେଶ୍ବର)ଙ୍କ ପ୍ରତ୍ୟକ୍ଷ ଅନୁଭବ କୁ ପଢିବା ପାଇଁ ଏଠାରେ କ୍ଲିକ୍‌ କରନ୍ତୁ |ଶ୍ରୀ ଭବାନୀ ମିଶ୍ର ଏହି ମନ୍ଦିରର ସ୍ଥପତି ଅଟନ୍ତି ଯିଏ ଅତି ଅନ୍ତରଙ୍ଗ ଭାବେ ଏହି ମନ୍ଦିରର ସମ୍ପୂର୍ଣ୍ଣ ନିର୍ମାଣ କାର୍ଯ୍ୟ(କୁ ତଦାରଖ) କରିଛନ୍ତି | ମନ୍ଦିରର ଦ୍ବାର ଦେଶରେ ଦୁଇ ପଟରେ ଦୁଇ ଜଣ ପ୍ରହରୀ ସାଇନାଥ ମହାରାଜ(ବାବା)ଙ୍କ ଦରବାର ର ସୁରକ୍ଷା କରିଛନ୍ତି |

ଏହି ମନ୍ଦିରର ଜମି ପୂଜ୍ୟ ଗୁରୁଜୀଙ୍କ ସ୍ବର୍ଗୀୟା ମାତା ଶ୍ରୀମତି ହର୍ଷମଣି ଶତପଥୀ ଦାନ ଆକାରରେ ଦେଇଛନ୍ତି| ଶ୍ରୀ ସାଇ ସେବା ଟ୍ରଷ୍ଟ୍‌ ,ନୂଆ ଦିଲ୍ଲୀ ର ବାରିପଦା ଶାଖା ଏହି ମନ୍ଦିରର ଦେଖାଶୁଣା କରିଥାଏ ତଥା ପୂଜ୍ୟ ଗୁରୁଜୀ ଏହି ମନ୍ଦିରର ମୂଖ୍ୟ ପୁରୋଧା ଅଟନ୍ତି |

ଏହି ମନ୍ଦିରଟି ବୁଢାବଳଙ୍ଗ ନଦୀର ପୂର୍ବ ଉପକୂଳରେ ଅବସ୍ଥିତ |ମନ୍ଦିରର ଅଗଣାରେ ନୈସର୍ଗିକ ବାତାବରଣ ବିରାଜମାନ କରିଥାଏ | ଏଠାରେ ଥିବା ବେଲ ଗଛ ବାବାଙ୍କ ପ୍ରମୁଖ ଭକ୍ତ ମେଘାଙ୍କ ସ୍ମରଣ କରେଇଥାଏ ଯିଏ ବାବାଙ୍କୁ ଶିବଙ୍କ ଅବତାର ମଣି ପ୍ରତ୍ୟହ ବେଲ ପତ୍ର ଅର୍ପଣ କରୁଥିଲେ |ବାବାଙ୍କ ଅନ୍ୟ ମନ୍ଦିର ଭଳି ଏହି ମନ୍ଦିରରେ ମଧ୍ୟ ପ୍ରତ୍ୟହ ଚାରିଗୋଟି ଆରତି ତଥା ଅନ୍ୟାନ୍ୟ କାର୍ଯ୍ୟକ୍ରମ ଯଥାରୀତି ପାଳନ କରାଯାଇଥାଏ |ପ୍ରତି ଗୁରୁବାର ଏଠାରେ ବାବାଙ୍କ ପାଲିଙ୍କି ଶହ ଶହ ଭକ୍ତ ନିଜ କାନ୍ଧରେ ଟେକି ନେଇଥାଆନ୍ତି |ଏହା ଛଡା ମନ୍ଦିରରେ ବାବାଙ୍କ  ଅନ୍ୟ ସ୍ବତନ୍ତ୍ର ପର୍ବପର୍ବାଣୀ ଯେପରିକି ରାମ ନବମୀ, ଗୁରୁ ପୂର୍ଣ୍ଣିମା, ମହାସମାଧି ଦିବସ ଆଦି ସମେତ ମନ୍ଦିର ପ୍ରତିଷ୍ଠା ଦିବସ,ଜନ୍ମାଷ୍ଟମୀ ତଥା ପୂଜ୍ୟ ଗୁରୁଜୀଙ୍କ ଜନ୍ମଦିନକୁ ମଧ୍ୟ ହର୍ଷୋଲ୍ଲାସ ମଧ୍ୟରେ ପାଳନ କରାଯାଇଥାଏ |

ଆଜି ବାରିପଦାକୁ ଆସୁଥିବା ପ୍ରତ୍ୟେକ ଆଗନ୍ତୁକ ଏହି ମନ୍ଦିରର ସିଢି କୁ ନ ଚଢି ତଥା ବାବାଙ୍କ ଦର୍ଶନ ନ କରି ଫେରୁ ନାହାଁନ୍ତି| ୧୪ ଅପ୍ରେଲ୍‌ ୨୦୧୧ ରେ ଏହି ମନ୍ଦିର ନିଜର ୧୦ତମ ଜନ୍ମ ବାର୍ଷିକୀ ପାଳନ କରିବ |