ତୁମେ ଯେଉଁଠି ଇଚ୍ଛା ସେଇଠି ରୁହ, ଯାହା ଇଚ୍ଛା ତାହା କର, କିନ୍ତୁ ଏହା ସର୍ବଦା ସ୍ମରଣ ରଖିଥିବ କି ତୁମର ସମସ୍ତ କାର୍ଯ୍ୟକୁ ମୁଁ ନିରୀକ୍ଷଣ କରିଥାଏ |ମୁଁ ହିଁ ସର୍ବବିଦ୍ୟମାନ ସମସ୍ତଙ୍କ ପ୍ରଭୁ |ମୋର ଉଦରରେ ହିଁ ସମସ୍ତ ଜଡ ଓ ଚେତନ ପ୍ରାଣୀ ବାସ କରିଛନ୍ତି |ମୁଁ ହିଁ ସମଗ୍ର ବ୍ରହ୍ମାଣ୍ଡର ନିୟନ୍ତ୍ରଣକର୍ତ୍ତା ତଥା ସଞ୍ଚାଳକ | ମୁଁ ହିଁ ସୃଷ୍ଟିକର୍ତ୍ତା,ପାଳନକର୍ତ୍ତା ଏବଂ ସଂହାରକର୍ତ୍ତା | ମୋ ଭକ୍ତମାନଙ୍କୁ କେହି ହାନି ପହଞ୍ଚାଇପାରିନଥାଏ |ମୋତେ ଯିଏ ଉପେକ୍ଷା କରେ,ସେ ମାୟାଜାଲରେ ଫଶି ଯାଏ |ସମସ୍ତ ଦୃଶ୍ୟ/ଅଦୃଶ୍ୟମାନ ପ୍ରାଣୀ, ଗତିଶୀଳ୍/ସ୍ଥିର ବସ୍ତୁ ମୋର ହିଁ ସ୍ବରୂପ ଅଟନ୍ତି |

ଯିଏ ପ୍ରେମପୂର୍ବକ ମୋର ସ୍ମରଣ କରିଥାଏ,ମୁଁ ତା’ର ସମସ୍ତ ଇଚ୍ଛା ପୂରଣ କରିଥାଏ |ଯିଏ ମୋର ଚରିତ୍ର ଏବଂ ଲୀଳା କୁ ଶ୍ରଦ୍ଧାପୂର୍ବକ ଗାନ କରିଥାଏ,ମୁଁ ସବୁବେଳେ ସବୁପ୍ରକାରେ ତା’ର ସହାୟତା କରିଥାଏ |ଯିଏ ମୋତେ ହୃଦୟ ଏବଂ ପ୍ରାଣରୁ ଭକ୍ତି କରିଥାଏ, ସେମାନଙ୍କୁ  ମୋ ଗାଥା ଶୁଣି ସ୍ବଭାବତଃ ପ୍ରସନ୍ନତା ମିଳି ଥାଏ |ବିଶ୍ବାସ ରଖ କି ଯେ କେହି ବି ମୋ ଲୀଳାମୃତ ଶ୍ରବଣ କରିବ ତାକୁ ପରମାନନ୍ଦ ଓ ଚିତ୍ତସନ୍ତୋଷର ଉପଲବ୍ଧି ହେବ |ଏହା ମୋର ବୈଶିଷ୍ଟ୍ୟ କି ଯେ କେହି ବି ମୋ ଶରଣକୁ ଅନନ୍ୟ ଭାବରେ ଆସିଥାଏ,ମୋର ଶ୍ରଦ୍ଧାପୂର୍ବକ ସ୍ମରଣ,ପୂଜନ ଓ ଧ୍ୟାନ କରିଥାଏ,ତା’କୁ ମୁଁ ମୁକ୍ତି ପ୍ରଦାନ କରିଥାଏ |ମୋର ଲୀଳାଗାନ କରିବାଦ୍ବାରା ସାଂସାରିକ ବନ୍ଧନରୁ ମୁକ୍ତି ମିଳିଥାଏ |ମୁଁ ସେହି ଭକ୍ତମାନଙ୍କୁ ମୃତ୍ୟମୁଖରୁ ରକ୍ଷା କରିଥାଏ |ଏଣୁ ମୋ ଗାଥାକୁ ଶ୍ରଦ୍ଧାପୂର୍ବକ ଶ୍ରବଣ କର,ମନନ କର |ସତ୍ୟ ଆଉ ସନ୍ତୋଷ ପ୍ରାପ୍ତିର ଏହା ହିଁ ସରଳତମ ମାର୍ଗ ଅଟେ |କେବଳ ସାଇ ସାଇ ଉଚ୍ଚାରଣ ମାତ୍ରେ ହିଁ ସମସ୍ତ ପାପର କ୍ଷୟ ହୋଇଥାଏ |

–ଶ୍ରୀ ସାଇବାବା