ଶିରିଡି ନଗର ମହାରାଷ୍ଟ୍ରର ରାଜଧାନୀ ମୁମ୍ବାଇଠାରୁ ପାଖାପାଖି ୨୯୬ କି.ମି ଦୂରରେ ଅବସ୍ଥିତ | ଶିରିଡିରେ ପହଞ୍ଚିବା ପାଇଁ ହେଲିକେପ୍ଟର ସେବା ମଧ୍ୟ ଉପଲବ୍ଧ | ଯେହେତୁ ଏଠରେ ଥିବା ଏକମାତ୍ର ହେଲିପେଡ ଟି ଶ୍ରୀ ସାଇବାବା ସଂସ୍ଥାନ ଦ୍ବାରା ପରିଚାଳିତ, ତେଣୁ ଏହି ସୁବିଧାର ଲାଭ ଉଠେଇବାକୁ ହେଲେ ସଂସ୍ଥାନର ଅନୁମତି ନେବାକୁ ପଡିଥାଏ | ଶିରିଡିରେ ନୂତନଭାବେ ନିର୍ମିତ “ସାଇନଗର-ଶିରିଡି” ନାମକ ରେଳ ଷ୍ତେସନ ୨୦୦୯ ମସିହାରେ ଉଦ୍‌ଘାଟିତ ହୋଇଛି ଯାହାକି ବାବାଙ୍କ ସମାଧୀ ମନ୍ଦିରଠାରୁ ମାତ୍ର ୨କି.ମି ଦୂରରେ ଅବସ୍ଥିତ | ଭକ୍ତମାନଙ୍କ ସୁବିଧାର୍ଥେ ସଂସ୍ଥାନ ତରଫରୁ ରେଳ ଷ୍ତେସନ ଯାଏଁ ଯିବା ପାଇଁ ମାଗଣା ବସ୍ ଚଳାଚଳ କରିଥାଏ , ଯାହାକି ସଂସ୍ଥାନର ନବନିର୍ମିତ ବିଶ୍ରାମସ୍ଥଳରେ ପୂର୍ବରୁ ଆରକ୍ଷିତ କରିଥିବା ଭକ୍ତଙ୍କ ସକାଶେ ଉପଲବ୍ଧ |(ଏ ସମ୍ବନ୍ଧୀୟ ଅଧିକ ତଥ୍ୟ ସଂସ୍ଥାନର ନିଜର website ରେ ପାଇପାରିବେ )

ସନ୍ ୨୦୧୦ ସୁଦ୍ଧା ରେଳ ବିଭାଗ ତରଫରୁ ଚେନ୍ନଇ,ମୁମ୍ବାଇ,ବିଶାଖାପାଟଣା,ସିକନ୍ଦରାବାଦ,କୋଲକାତା ଆଦି ମହତ୍ତ୍ବପୂର୍ଣ୍ଣ ସ୍ଥାନ ମାନଙ୍କରୁ ଶିରିଡିକୁ ସିଧାସଳଖ ରେଳ ଯାତାୟତ କରିବାର ଯୋଜନା ଚାଲିଛି(କିଛି କାର୍ଯ୍ୟକ୍ଷମ ହୋଇସାରିଲାଣି)| ପୂର୍ବେ ଭକ୍ତମାନେ ମନମାଢ,କିମ୍ବା ନାସିକ୍ ରେ ଓହ୍ଲାଇ ଶିରିଡି କୁ ଆସୁଥିଲେ ଯେଉଁଥିପାଇଁ ଅତିକମ୍‌ରେ ୩/୪ ଘଣ୍ଟା ସମୟ ଲାଗୁଥିଲା | ଶିରିଡି କୁ ଚଳାଚଳ କରୁଥିବା ସମସ୍ତ ଟ୍ରେନ୍‌ମାନଙ୍କରେ ପ୍ରଥମ ଶ୍ରେଣୀ ବାତାନୁକୁଳିତ ଠାରୁ ଆରମ୍ଭ କରି ସାଧାରଣ ଶୟନ ଶ୍ରେଣୀ ର ସୁବିଧା ଉପଲବ୍ଧ ଯାହକି ସବୁ ବର୍ଗର ଲୋକଙ୍କ ପାଇଁ ଉଦ୍ଦିଷ୍ଟ ଅଟେ | ମନମାଢ ଠାରୁ ଶିରିଡି କୁ ରେଳମାର୍ଗରେ ଦୂରତା ମାତ୍ର ୫୮କି.ମି |ଆପଣ କୋପରଗାଓଁ ଠାରେ ମଧ୍ୟ ଓହ୍ଲାଇ ଟେକ୍ସୀ ମାଧ୍ୟମରେ ଶିରିଡିକୁ ଯାଇପାରିବେ ଯାହକି ମାତ୍ର ୧୫ କି.ମି. ଦୂରତା ବିଶିଷ୍ଟ |କିମ୍ବା ନାସିକ୍,ଯାହା ଶିରିଡିଠାରୁ୧୧୯ କି.ମି ଦୂରରେ, ରେ ଓହ୍ଲାଇ ଶିରିଡି କୁ ବସ୍ ମାଧ୍ୟମରେ ପହଞ୍ଚିପାରିବେ |

ସନ୍ ୨୦୧୨ ସୁଦ୍ଧା ଶିରିଡିରେ ଏକ ଅନ୍ତରାଷ୍ଟ୍ରିୟ ବିମାନବନ୍ଦରର କାମ ସଂପୂର୍ଣ୍ଣ ହୋଇଯିବ |

ମନ୍ଦିର ପ୍ରାଙ୍ଗଣରେ ହିଁ ରେଳ ବିଭାଗର ଆରକ୍ଷଣ କକ୍ଷ ଅବସ୍ଥିତ ଯେଉଁଥିରେ ଭକ୍ତଗଣ ନିଜର ରେଳ ଆରକ୍ଷଣ ସଂପର୍କୀୟ ସମସ୍ତ ସୁବିଧା ପାଇପାରିବେ |

ଶିରିଡିକୁ ଉଭୟ ସରକାରୀ ତଥା ବେସରକାରୀ ବସ୍‌ ସେବା ଉପଲବ୍ଧ | ମୁମ୍ବାଇ ବିମାନ ବନ୍ଦରରେ ଓହ୍ଲାଇ ଦାଦର ବସ୍‌ଷ୍ଟାଣ୍ଡ୍‌କୁ କୌଣସି ଟେକ୍ସି ସାହାଯ୍ୟରେ ମାତ୍ର ୧୦୦-୧୫୦ ଟଙ୍କା ଦେଇ ପହଞ୍ଚିପାରିବେ | ଦାଦର ରୁ ଶିରିଡିକୁ ପ୍ରାୟ ସବୁବେଳେ ବିଭିନ୍ନ ଶ୍ରେଣୀ ଯେପରିକି ସାଧାରଣ, ସ୍ଲିପର୍,ତଥା ବାତାନୁକୂଳିତ(ଏ.ସି) ବସ୍‌ ଯାତାୟତ କରିଥାଏ | ସାଧାରଣ ବସ୍‌ରେ ଭଡା ହାରାହାରି ଟ୧୫୦ଙ୍କା ଥିବାବେଳେ ଏ.ସି ବସ୍‌ରେ ଟ୩୦୦ଙ୍କା ଥାଏ  | ମୂମ୍ବାଇଠାରୁ ମଧ୍ୟ ପ୍ରାୟ ପ୍ରତ୍ୟେକ ୩ଘଣ୍ଟାରେ ଗୋଟିଏ ଲେଖାଏଁ ବସ୍‌ ଯାତାୟତ କରିଥାଏ |ଏଣୁ ଶିରିଡିକୁ ଯିବା ପାଇଁ ଆପନଙ୍କୁ ବେଶୀ ସମୟ ଅପେକ୍ଷା କରିବାକୁ ପଡିବ ନାହିଁ |

ହାଇଦ୍ରାବାଦରୁ ମଧ୍ୟ ଶିରିଡିକୁ ନିୟମିତ ସମୟ ବ୍ୟବଧାନରେ ବସ୍‌ ଚଳାଚଳ କରିଥାଏ | ଏହି ନିକଟରେ ହିଁ ଆନ୍ଧ୍ରପ୍ରଦେଶ ମୁଖ୍ୟମନ୍ତ୍ରୀଙ୍କ ଦ୍ବାରା ସିକନ୍ଦରାବାଦଠାରେ ଶ୍ରୀ ସାଇବାବା ସଂସ୍ଥାନ ଟ୍ରଷ୍ଟ୍‌ ର ଏକ ସୂଚନା କେନ୍ଦ୍ର ଉଦ୍‌ଘାଟିତ ହୋଇଥିଲା| ଏହି କେନ୍ଦ୍ରରେ ଶିରିଡିରେ ବାବାଙ୍କ ଦର୍ଶନ ତଥା ସେଠାରେ ରହଣି ସମ୍ବନ୍ଧୀୟ ସମସ୍ତ ତଥ୍ୟ ମିଳୁଛି ଯାହା କି ଆନ୍ଧ୍ର ପ୍ରଦେଶ ରୁ ଆସୁଥିବା ଶ୍ରଦ୍ଧାଳୁଙ୍କ ପାଇଁ ଉପକାରୀ ସାବ୍ୟସ୍ତ ହେଉଛି | ଏହି କେନ୍ଦ୍ରରେ ସଂସ୍ଥାନ ଦ୍ବାରା ପ୍ରକାଶିତ ବାବାଙ୍କ ସମ୍ବନ୍ଧୀୟ ବିଭିନ୍ନ ପୁସ୍ତକ,ଗ୍ରନ୍ଥ ଆଦି ସୁଲଭ ମୂଲ୍ୟରେ ମିଳିଥାଏ | ଏହିପରି ଆହୁରି ୫ ଗୋଟି କେନ୍ଦ୍ର ଦେଶର ଅନ୍ୟ ପ୍ରମୁଖ ସହରମାନଙ୍କରେ ମଧ୍ୟ ଖୁବ୍‌ ଶୀଘ୍ର କାର୍ଯ୍ୟକାରୀ ହେବ ବୋଲି ସଂସ୍ଥାନଠାରୁ ପ୍ରକାଶ |