ଶିରିଡି ସଂସ୍ଥାନ ଦ୍ବାରା ଦେଶ ବିଦେଶର କୋଣ ଅନୁକୋଣ ରୁ ଆସୁଥିବା ପ୍ରାୟ ୪୦,୦୦୦ ଭକ୍ତଙ୍କ ସକାଶେ ରହଣିର ସୁବିଧା ଉପଲବ୍ଧ କରାଯାଇଥାଏ | ଭକ୍ତଙ୍କ ଗହଳିକୁ ଆଖି ଆଗରେ ରଖି, ଭକ୍ତଙ୍କ ରହିବା ବ୍ୟବସ୍ଥା କରିବା ପାଇଁ ୨୫ ଏକର ଜମିରେ ଏକ ଅନନ୍ୟ ଭକ୍ତ ନିବାସ ର ନିର୍ମାଣ କାର୍ଯ୍ୟ ଆରମ୍ଭ ମଧ୍ୟ ହୋଇଛି ଯେଉଁଥିରେ ୧୫୦୦ଟି ରୁମ୍‌ ଏବଂ ୨୦୦୦ଟି ହଲ୍‌ ତିଆରି ହେଉଛି |ଏଥିରେ ପ୍ରାୟ ୧୫୦୦୦ ଭକ୍ତଙ୍କ ରହିପାରିବେ |

ସଂସ୍ଥାନ ଦ୍ବାରା ପରିଚାଳିତ ବିଶ୍ରାମ ଗୃହ, ଭକ୍ତ ନିବାସ ବ୍ୟତୀତ ଶିରିଡି ରେ ବ୍ୟକ୍ତିଗତ ଲଜ୍‌, ହୋଟେଲ୍‌, ଧର୍ମଶାଳା ଆଦି ମଧ୍ୟ ଉପଲବ୍ଧ ଯେଉଁଥିରେ କି ବିଭିନ୍ନ ବର୍ଗ/ଶ୍ରେଣୀର ଭକ୍ତଙ୍କ ସୁବିଧା ଅନୁସାରେ, ବିଭିନ୍ନ ମୂଲ୍ୟର ରୁମ୍‌ ରହିଛି | ସାଧାରଣ ଦିନମାନଙ୍କରେ ଏହି ସବୁ ହୋଟେଲ୍‌ ମନଙ୍କରେ ରହିବା ପାଇଁ ରୁମ୍‌ ସହଜରେ ମିଳିଯାଇଥାଏ କିନ୍ତୁ ବିଶେଷ ପର୍ବପର୍ବାଣୀ ମାନଙ୍କରେ ଏଥିରେ ଅସୁବିଧା ହୋଇଥାଏ, ତେଣୁ ଏହି ସବୁ ଦିନ ମାନଙ୍କରେ ଯଦି ଆପଣ ଶିରିଡି ଯାଆନ୍ତି ତ ପ୍ରାୟ ମାସେ କି ଦୁଇ ମାସ ଆଗରୁ ରୁମ୍‌ ଆରକ୍ଷଣ କରିନେବା ଉଚିତ୍‌ |

ଖାଦ୍ୟ-ପାନୀୟ ର ବ୍ୟବସ୍ଥା

ସନ୍‌ ୧୯୮୦ରେ ମହାରାଷ୍ଟ୍ରର ତତ୍କାଳୀନ ମୁଖ୍ୟମନ୍ତ୍ରୀ ଶ୍ରୀ ଶଙ୍କର ରାଓ ଚୌହାଣ ଶ୍ରୀ ଶିରିଡି ସାଇ ବାବା ସଂସ୍ଥାନ ଦ୍ବାରା ନିର୍ମିତ ସାଇ ପ୍ରସାଦାଳୟ-୧ ର ଉଦ୍‌ଘାଟନ କରିଥିଲେ |ସେହି ସମାନ ଶୈଳୀରେ ଦିନାଙ୍କ ୮/୧/୨୦୦୯ ରେ ଭାରତର ମାନ୍ୟବର ରାଷ୍ଟ୍ରପତି ଶ୍ରୀମତି ପ୍ରତିଭା ଦେବୀ ସିଂହ ପାଟିଲ ରିମୋଟ ଦ୍ବାରା ବଟନ୍‌ ଟିପି ଶିରିଡିରେ ନୂତନ ପ୍ରସାଦାଳୟର ଉଦ୍‌ଘାଟନ କରିଥିଲେ |ପ୍ରାୟ ୭ ଏକର ଜମି ପରିମିତ ଏହି ଅତ୍ୟାଧୁନିକ ଭୋଜନାଳୟଟିରେ ସୌରଶକ୍ତି ଚାଳିତ ଚୂଲା ରହିଛି | ଏହି ୪୦ କୋଟି ଟଙ୍କା ଖର୍ଚ୍ଚ ହୋଇଥିବା ପ୍ରସାଦାଳୟଟିରେ ଏକା ସଙ୍ଗେ ୫୦୦୦ ଭକ୍ତ ଙ୍କୁ ଖାଦ୍ୟ ପରଶିବା ପାଇଁ ପ୍ରାୟ ୫୦୦ ସେବକ ପ୍ରତ୍ୟହ ସକାଳ ୭ଟାରୁ ରାତ୍ର ୧୦ଟା ଯାଏଁ କାମରେ ଲାଗିଥାଆନ୍ତି |ଏଠାରେ ଭକ୍ତମାନଙ୍କୁ ଅତି ସାମାନ୍ୟ ମୂଲ୍ୟ (୧୦ ଟଙ୍କା) ରେ ବାବାଙ୍କ ପ୍ରସାଦ ପରଶି ଦିଆଯାଇଥାଏ|

ଏହି ପ୍ରସାଦାଳୟ ପାଇଁ ପ୍ରାୟ ଟ ୩୬,୯୫,୧୨୮ଙ୍କାର ବିଭିନ୍ନ ଯନ୍ତ୍ରାଂଶ (ମେଶିନ୍‌) ବିଦେଶରୁ ଆମଦାନି ହୋଇଥିଲା ଯେଉଁଥି ପାଇଁ ସୀମା ଶୁଳ୍କ ଏବଂ ସ୍ଥାପନା ବାବାଦରେ ପ୍ରାୟ ଟ୫,୫୦,୦୦ଙ୍କା ବ୍ୟୟ ହୋଇଥିଲା | ଏହା ବ୍ୟତୀତ ମଧ୍ୟ ଦେଶର ବିଭିନ୍ନ ପ୍ରାନ୍ତରୁ ପ୍ରାୟ ଟ ୬୨,୫୯,୦୫୬ଙ୍କାର ଯନ୍ତ୍ରାଂଶ ସ୍ଥାପନା କରାଯାଇଛି |

ପ୍ରସାଦ ପ୍ରସ୍ତୁତି ପାଇଁ ପନିପରିବା,ଡାଲି, ଗହମ, ଅଟା, ତେଲ ପ୍ରଭୃତି ଆବଶ୍ୟକୀୟ ସାମଗ୍ରୀ ସବୁ ରାହାତା, କୋପର୍‌ଗାଓଁ, ନାସିକ୍‌, ପୁନେ ପ୍ରଭୃତି ସ୍ଥାନମାନଙ୍କରୁ ତଥା ଦେଶର ଅନ୍ୟ ସ୍ଥାନମାନଙ୍କରୁ ଟ୍ୟାଙ୍କର୍‌ ସାହାଯ୍ୟରେ ଶିରିଡି କୁ ଅଣାଯାଇଥାଏ | ସାଧାରଣ ମାନଙ୍କରେ ପ୍ରତ୍ୟହ ଏହି ଭୌଜନାଳୟରେ ପ୍ରାୟ ୪୦,୦୦୦ ରୁ ୫୦,୦୦୦ ଭକ୍ତ ପ୍ରସାଦ ଗ୍ରହଣ କରିଥିବା ବେଳେ ବିଶେଷ ଦିନ/ପର୍ବପର୍ବାଣୀ ମନଙ୍କରେ ଏହି ସଂଖ୍ୟା ୧ ଲକ୍ଷ ରୁ ଉର୍ଦ୍ଧ୍ବ ହୋଇଯାଇଥାଏ |

ପନିପରିବା ଗୁଡିକୁ ମେଶିନ୍‌ ମାଧ୍ୟମରେ ସଫା, ସୁତୁରା ତଥା କଟାକଟି କରାଯାଇଥାଏ | ବାସନକୁସନ ସବୁ ମଧ୍ୟ ମେଶିନ୍ ସାହାଯ୍ୟରେ ହୋଇଥାଏ | ଖାଦ୍ୟ ପଦାର୍ଥ ସବୁ ସୌର ଚୂଲା ମାଧ୍ୟମରେ କରାଯାଇଥାଏ | ଏହି ଚୂଲା ରେ ୧ ହଜାର ଲୋକଙ୍କ ଖାଦ୍ୟ ମାତ୍ର୍ ୨୫ ମିନିଟରେ  ପ୍ରସ୍ତୁତ ହୋଇପାରେ | ଏହି ସମସ୍ତ କାରଣ ଯୋଗୁଁ ଏହି ଭୋଜନାଳୟକୁ ଭାରତ ସରକାରଙ୍କ ଖାଦ୍ୟ ଏବଂ ଔଷଧ ନିଗମ ତରଫରୁ ପ୍ରଶଂସାପତ୍ର ମିଳିଅଛି |