ଶ୍ରୀ ଶିରିଡି ସାଇବାବା ସମସ୍ତଙ୍କୁ ନିଜର ପ୍ରତିବିମ୍ବ ମାନୁଥିଲେ | ସୃଷ୍ଟିର ପ୍ରତ୍ୟେକ ତତ୍ତ୍ବ ସାଇଙ୍କ ଚରଣଆଡେ ଆକୃଷ୍ଟ ଏବଂ ସେ ସମସ୍ତଙ୍କ ଆଶ୍ରୟଦାତା ଅଟନ୍ତି |

ଶ୍ରୀ ଗୁରୁଜୀଙ୍କ ନେତୃତ୍ବରେ ବିଦେଶରେ ଅନେକ ଦେଶରେ ଶିରିଡି ବାବାଙ୍କ ମନ୍ଦିରମାନ ନିର୍ମିତ ହୋଇସାରିଲାଣି | କେବଳ ଯୁକ୍ତରାଷ୍ଟ୍ର୍ ଆମେରିକାରେ  ବାବାଙ୍କ ୧୭ଗୋଟି ମନ୍ଦିର ପୁଜ୍ୟ ଗୁରୁଜୀଙ୍କ ଦ୍ବାରା ସ୍ଥାପିତ ହୋଇଛି |ଏହି ସବୁ ମନ୍ଦିରମାନ ବିଦେଶରେ ବାବାଙ୍କ ବାଣୀ ପ୍ରଚାରର ମୁଖ୍ୟ କେନ୍ଦ୍ରବିନ୍ଦୁ ପାଲଟିଛନ୍ତି |

ଏହି ନିକଟ ଅତୀତରେ ହିଁ, ୨୦୦୯ ମସିହାରେ ଚିକାଗୋ ସହରରେ ଅନ୍ତର୍ରାଷ୍ଟ୍ରୀୟ ସାଇଭକ୍ତ ସମ୍ମେଳନ ର ଆୟୋଜନ କରାଯାଇଥିଲା, ଯାହାକୁ କି ସ୍ବୟଂ ପୂଜ୍ୟ ଗୁରୁଜୀ ସମ୍ବୋଧିତ କରିଥିଲେ | ସେ କହିଥିଲେ କି ଆଗତ ଭବିଷ୍ୟତରେ ବିଶ୍ବରେ ସାଇ ଆନ୍ଦୋଳନ ଏକ ବୃହତ୍‌ ରୂପ ନେବ |

ଆସନ୍ତୁ, ବିଦେଶରେ ଥିବା ଅସଂଖ୍ୟ ସାଇ ଭକ୍ତଙ୍କୁ ଏକ ସୂତ୍ରରେ ବାନ୍ଧି ସାଇ ଚେତନାର ପ୍ରଚାର ହେତୁ ଗୁରୁଜୀଙ୍କ ନେତୃତ୍ବରେ ଚାଲିଥିବା ବିଶ୍ବ ସାଇ ଆନ୍ଦୋଳନର ଏକ ଝ୍‌ଲକ ଦେଖିବା–

କ୍ୟୁବା-ଏଠାରେ ଶ୍ରୀ ଶିରିଡି ସାଇବାବାଙ୍କ ଏକ ଛୋଟ ମନ୍ଦିର ନିର୍ମିତ ହୋଇଛି, ଯେଉଁଠାରେ ଶ୍ରଦ୍ଧାଳୁ ଏକତ୍ରିତ ହୋଇ ପୂଜା, ଆରତୀ, କୀର୍ତ୍ତନ ଆଦି କରି ସାଇ ଭକ୍ତିର ଆନନ୍ଦ ଉଠାଇଥାନ୍ତି | ଏହି ମନ୍ଦିରର ପ୍ରେରଣାରେ ଏକ ସାଇଭକ୍ତ ସମୁଦାୟ ଗଠିତ ହୋଇସାରିଛି, ଯିଏ ବାବାଙ୍କ ଶିକ୍ଷା- ଶ୍ରଦ୍ଧା ଏବଂ ସବୁରୀକୁ ଦୂର ଦୂରାନ୍ତରରେ ପ୍ରଚାର କରି ଚାଲିଛି |

ଯୁକ୍ତରାଷ୍ଟ୍ର ଆମେରିକା-ଶ୍ରୀ ଗୁରୁଜୀଙ୍କ ପ୍ରେରଣାରେ ଯୁକ୍ତରାଷ୍ଟ୍ର ଆମେରିକାର ଅନେକ ସହରରେ ଶ୍ରୀ ଶିରିଡି ସାଇ ବାବାଙ୍କ ମନ୍ଦିର ର ପ୍ରାଣ ପ୍ରତିଷ୍ଠା କରାଯାଇଛି | ଯେପରିକି ଆଟ୍‌ଲାଣ୍ଟା,ଚିକାଗୋ, ଟେକ୍ସାସ୍‌, କାନାଡା, ମିନ୍ନେସୋଟା  ପ୍ରଭୃତି | ଏହି ସମସ୍ତ ମନ୍ଦିରମାନ ଶିରିଡି ସାଇଙ୍କ ବାଣୀର ପ୍ରଚାର କରିବା ସହିତ ବିଭିନ୍ନ ଦାତବ୍ୟ କାର୍ଯ୍ୟକ୍ରମମାନ ଆୟୋଜନ କରିଥାନ୍ତି |ସନ୍‌ ୨୦୦୨ରେ ଚିକାଗୋ ରେ ସାଇ ଉତ୍ସବର ଆୟୋଜନ କରାଯାଇଥିଲା, ଯେଉଁଠାରେ ଉପସ୍ଥିତ ବିଶାଳ ଜନସମୁଦାୟ କୁ ପୂଜ୍ୟ ଗୁରୁଜୀ ସମ୍ବୋଧିତ କରିଥିଲେ |ନିକଟ ଅତୀତରେ ସନ୍‌ ୨୦୦୯ ମସିହାରେ ଚିକାଗୋଠାରେ ଅନ୍ତର୍ରାଷ୍ଟ୍ରୀୟ ସାଇଭକ୍ତ ସମ୍ମେଳନ ର ଆୟୋଜନ କରାଯାଇଥିଲା, ଯାହାକୁ କି ସ୍ବୟଂ ପୂଜ୍ୟ ଗୁରୁଜୀ ସମ୍ବୋଧିତ କରିଥିଲେ |

ବ୍ରିଟେନ୍‌-କେଣ୍ଟ(ଲଣ୍ଡନ୍‌) ଠାରେ ପୂଜ୍ୟ ଗୁରୁଜୀ ନିଜ କରକମଳରେ ଶ୍ରୀ ଶିରିଡି ସାଇବାବାଙ୍କ ମନ୍ଦିରର ପ୍ରାଣପ୍ରତିଷ୍ଠା କରିଥିଲେ, ଯେଉଁଥିରେ କି ଅସଂଖ୍ୟ ଶ୍ରଦ୍ଧାଳୁ ଅଂଶଗ୍ରହଣ କରି ବାବାଙ୍କ ଆଶୀର୍ବାଦ ଗ୍ରହଣ କରିଥିଲେ ତଥା ଅନ୍ୟ କାର୍ଯ୍ୟକ୍ରମ ର ଆନନ୍ଦ ଉଠେଇଥିଲେ|

ଅଷ୍ଟ୍ରେଲିଆ-ସିଡ୍‌ନୀ ଠାରେ ଶ୍ରଦ୍ଧେୟ ଗୁରୁଜୀଙ୍କ ପ୍ରେରଣାରେ ଶ୍ରୀ ବାବାଙ୍କ ଏକ ମନ୍ଦିର ନିର୍ମିତ ହୋଇଛି | ସନ୍‌ ୨୦୦୧ରେ ଏଠାରେ ଆୟୋଜିତ ସାଇ ଉତ୍ସବ ରେ ଅଂଶଗ୍ରହଣ କରି ଅସଂଖ୍ୟ ଭକ୍ତ ବାବାଙ୍କ ଆଶୀର୍ବାଦ ଲାଭ କରିଲେ | ଏହି କାର୍ଯ୍ୟକ୍ରମକୁ ପୂଜ୍ୟ ଗୁରୁଜୀ ଉଦ୍‌ଘାଟନ ତଥା ସମ୍ବୋଧନ କରିଥିଲେ |

ଦକ୍ଷିଣ ଆଫ୍ରିକା- ଜୋହାନ୍ସବର୍ଗ ଠାରେ ପୂଜ୍ୟ ଗୁରୁଜୀ ରେଡିଓ ରେ ଏକ ସାକ୍ଷାତକାର ରେ ଭାଗ ନେଇ ସେଠାକାର ଅଧିବାସୀଙ୍କୁ ସମ୍ବୋଧିତ କରିଥିଲେ |

କାନାଡା-ସନ୍ ୨୦୦୩ ରେ ଶ୍ରଦ୍ଧେୟ ଗୁରୁଜୀ ଶ୍ରୀ ଶତପଥୀଜୀଙ୍କ ପ୍ରେରଣାରେ ଶ୍ରୀ ଶିରିଡି ସାଇବାବା ସଂସ୍ଥାନ, କାନାଡା ଏକ ଲାଭବିହୀନ ସଂସ୍ଥାଭାବେ ପଞ୍ଜିକୃତ ହେଲା | ନିଜର ୨ ଦିନିଆ ଗସ୍ତ ସମୟରେ ୨୦୦୪ ମସିହାରେ ପୂଜ୍ୟ ଗୁରୁଜୀ ମର୍ଖମ୍‌ ଠାରେ ଥିବା ସାଇ ଦ୍ବାରକାମାୟୀ ମନ୍ଦିରରେ ଉପସ୍ଥିତ ଶ୍ରଦ୍ଧାଳୁଙ୍କୁ ସମ୍ବୋଧିତ କରିଥିଲେ | ମଣ୍ଟ୍ରିଲ୍‌ଠାରେ ମଧ୍ୟ ଏକ ଶ୍ରୀ ସାଇବାବା ଆଧ୍ୟାତ୍ମିକ ଏବଂ ଦାତବ୍ୟ ଅନୁଷ୍ଠାନ, ଶ୍ରୀ ଗୁରୁଜୀଙ୍କ ପ୍ରେରଣାରେ ବାବାଙ୍କ ବାର୍ତ୍ତା ପ୍ରଚାର କରୁଅଛି |

ଏ ସ୍ଅବୁ ବ୍ୟତୀତ ମଧ୍ୟ ଇଣ୍ଟର୍‌ନେଟ୍‌ରେ ବିଭିନ୍ନ ରେଡିଓ ଚ୍ୟାନେଲ୍‌, ୱେବ୍‌ସାଇଟ୍ ମାଧ୍ୟମରେ ପୂଜ୍ୟ ଗୁରୁଜୀ ବାବାଙ୍କ ବିଭିନ୍ନ କାର୍ଯ୍ୟକ୍ରମ ର ସିଧା ପ୍ରସାରଣ ମଧ୍ୟ କରାଉଅଛନ୍ତି | ଇଂରାଜୀ ଭାଷାରେ ଶ୍ରୀ ଗୁରୁଜୀଙ୍କ ନେତୃତ୍ବରେ ହେରିଟେଜ୍‌ ଅଫ୍‌ ଶିରିଡି ସାଇ ନାମକ ଏକ ତ୍ରୈମାସିକ ପତ୍ରିକା ପ୍ରକାଶ ପାଇଥାଏ ଯାହାକି ସମଗ୍ର ବିଶ୍ବରେ ବିତରିତ ହୋଇଥାଏ |

ଶ୍ରୀ ଶିରିଡି ସାଇବାବା କଳ୍ପବୂକ୍ଷ ସଦୃଶ ସମସ୍ତଙ୍କୁ ଆଶ୍ରୟ ଦେଇଥାନ୍ତି |ଆଜି ବିଦେଶରେ ପୂଜ୍ୟ ଗୁରୁଜୀଙ୍କ ପ୍ରେରଣାରେ ଗଢି ଉଠିଥିବା ବିଭିନ୍ନ ସାଇ ମନ୍ଦିର ମାନଙ୍କ ଦ୍ବାରା ବାବାଙ୍କ ବାର୍ତ୍ତାର ପ୍ରଚାର-ପ୍ରସାର ହେଉଛି | ଫଳତଃ ବାବାଙ୍କ ଆଡକୁ ଆଜି କୋଟି କୋଟି ସଂଖ୍ୟାରେ ଭକ୍ତ ଆକର୍ଷିତ ହୋଇ ଶିରିଡି ଆସୁଛନ୍ତି ଯାହାକି ବାବାଙ୍କ ଏକ ବାଣୀ,ମୋ ଭକ୍ତକୁ ମୁଁ ସାତ ସମୁଦ୍ର ସେ ପାରିରୁ ମଧ୍ୟ ଟାଣି ଆଣିଥାଏ କୁ ସତ୍ୟ ପ୍ରମାଣିତ କରୁଅଛି |

|| ଜୟ ଶ୍ରୀ ସାଇ || ଜୟ ଶ୍ରୀ ଗୁରୁଦେବ  ||