୧୦ ନଭେମ୍ବର ୨୦୧୧, ପବିତ୍ର କାର୍ତ୍ତିକ ପୂର୍ଣ୍ଣମୀର ଶୁଭ ସଂଧ୍ୟାରେ ଦିଲ୍ଲୀର ଦିଲ୍ଲୀହାଟଠାରେ ନବମ ବୋଇତ ବନ୍ଦାଣ ଉତ୍ସବ ମହାସମାରୋହରେ ପାଳିତ ହୋଇଯାଇଛି | “ଓଡିଆ ପୁଅ” ଏବଂ “ଓଡିଶା” ର ମିଳିତ ସହଯୋଗରେ ପାଳିତ ଏହି ଉତ୍ସବରେ ଭାରତୀୟ ସର୍ବୋଚ୍ଚ ନ୍ୟାୟାଳୟର ମୁଖ୍ୟ ବିଚାରପତି ଶ୍ରୀ ଅନଙ୍ଗ ପଟ୍ଟନାୟକ ମୁଖ୍ୟ ଅତିଥି ତଥା ପୁଜ୍ୟ ଗୁରୁଜୀ ଶ୍ରୀ ଚନ୍ଦ୍ରଭାନୁ ଶତପଥୀ ସମ୍ମାନିତ ଅତିଥି ଭାବେ ଯୋଗଦେଇଥିଲେ | ପୂଜ୍ୟ ଗୁରୁଜୀଙ୍କୁ ତାଙ୍କର ସାମାଜିକ ବିକାଶ, କଳା, ସାହିତ୍ୟ, ସଙ୍ଗୀତ ଆଦି କ୍ଷେତ୍ରରେ ଉଲ୍ଲେଖନୀୟ ଅବଦାନ ପାଇଁ ମୁଖ୍ୟ ଅତିଥି ଶ୍ରୀ ପଟ୍ଟନାୟକ “ଓଡିଶା ରତ୍ନ” ସମ୍ମାନରେ ସମ୍ମାନିତ କରିଥିଲେ |

ନିଜ ବକ୍ତବ୍ୟ ରଖିବାକୁ ଯାଇ ଗୁରୁଜୀ କହିଥିଲେ କି ଓଡିଶାର କଳା, ସ୍ଥାପତ୍ୟ, ସଂସ୍କୃତି ଆଦି କ୍ଷେତ୍ରରେ ଥିବା ଉତ୍କର୍ଷତାକୁ ଆମକୁ ବିଶ୍ବ ଦରବାରରେ ପହଞ୍ଚାଇବାକୁ ପଡିବ | ସଂଚାର ର ଏହି ଯୁଗରେ ଓଡିଶାରେ ହେଉଥିବା ପ୍ରଗତି/ବିକାଶ ଅନ୍ୟ ରାଜ୍ୟମାନଙ୍କ ତୁଳନାରେ ଯଥେଷ୍ଟ କମ୍‌ ଅଟେ | ସେ କହିଲେ କି ପ୍ରତ୍ୟେକ ସଭ୍ୟତାର ପ୍ରଗତି ଏକ କାଳଚକ୍ର ସଦୃଶ ହୋଇଥାଏ ଏବଂ ଓଡିଶାର ପ୍ରଗତିର ଧାରା ୨୦୧୨ ଠାରୁ ଆରମ୍ଭ ହେବାକୁ ଯାଉଅଛି ତଥା ୨୦୩୦ ବେଳକୁ ଓଡିଶା ପ୍ରଗତିର ଶୀର୍ଷତମ ସ୍ଥାନରେ ପଦାର୍ପଣ କରିବ |

ସେ କହିଲେ କି ପ୍ରତ୍ୟେକ ଓଡିଆ ଜନ୍ମତଃ ଶ୍ରୀ ଜଗନ୍ନାଥଙ୍କ ଭକ୍ତ ଅଟେ| ଶ୍ରୀ ସାଇନାଥଙ୍କଉ ପୂଜା କରିବାର ଅର୍ଥ ନିଜ ଈଷ୍ଟଙ୍କୁ ଭୁଲିଯିବା ନୁହେଁ | ସ୍ବୟଂ ଶିରିଡିବାବା ମଧ୍ୟ ନିଜର ଏକ ଶିବ ଭକ୍ତକୁ ପ୍ରଥମେ ଶିବଙ୍କ ଆରାଧନା ଶେଷ କରିବାକୁ ଉପଦେଶ ଦେଇଥିଲେ |

ଏହି ସଂଧ୍ୟାରେ ବାରିପଦାର ଦକ୍ଷିଣସାହି ଛଉ ନୃତ୍ୟ ପ୍ରତିଷ୍ଠାନ ଦ୍ବାରା ପ୍ରସିଦ୍ଧ ଛଉ ନୃତ୍ୟ ପରିବେଷଣ କରାଯାଇଥିଲା ଯାହାକି ଖୁବ୍‌ ଚିତ୍ତାକର୍ଷକ ଥିଲା |  କାର୍ଯ୍ୟକ୍ରମର ଶେଷ ଭାଗରେ ଆୟୋଜକମାନେ ଅନ୍ୟ ସୁଯୋଗ୍ୟ ଓଡିଆ ସନ୍ତାନମାନଙ୍କୁ ମଧ୍ୟ ସମ୍ବର୍ଦ୍ଧିତ କରିଥିଲେ |

[ସ୍ଲାଇଡ୍‌ ଭାବେ ଦେଖନ୍ତୁ]