ଶ୍ରୀ ଶିରିଡି ସାଇ ସ୍ପିରିଚୁଆଲ୍ ସୋସିଓ କଲ୍‌ଚରାଲ୍‌ ଟ୍ରଷ୍ଟ୍‌ ପକ୍ଷରୁ ପୂଜ୍ୟ ଗୁରୁଜୀ ଶ୍ରୀ ଚନ୍ଦ୍ରଭାନୁ ଶତପଥୀଙ୍କୁ “ଦିବ୍ୟ ସଙ୍ଗୀତ ଶିରୋମଣି” ଉପାଧି ପ୍ରଦାନ କରାଯାଇଅଛି | ଭକ୍ତି ସଙ୍ଗୀତରେ ଉଲ୍ଲେଖନୀୟ ଅବଦାନ ପାଇଁ ୪ ତାରିଖ ଦିନ ଭୁବନେଶ୍ବରସ୍ଥ ଇଡ୍‌କଲ୍‌ ଓଡିଟୋରିୟମ୍‌ ଠାରେ ଅନୁଷ୍ଠିତ ଏକ ଉତ୍ସବରେ ପୂଜ୍ୟ ଗୁରୁଜୀ ଶ୍ରୀ ଶତପଥୀଙ୍କୁ ଏହି ଉପାଧିରେ ଭୂଷିତ କରାଗଲା | ସାମ୍ପ୍ରତିକ ଯୁଗରେ ଭକ୍ତି ସଙ୍ଗୀତ ସହିତ ଉଭୟ ଓଡିଆ ଏବଂ ହିନ୍ଦୀ ଭାଷାରେ ଗୀତ ରଚନା, ସ୍ବର ସଂଯୋଜନା, ସଂଗୀତ ନିର୍ଦ୍ଦେଶନା ଓ କଣ୍ଠଦାନ କ୍ଷେତ୍ରରେ ତାଙ୍କର ଅବଦାନ ଅତୁଳନୀୟ | ତାଙ୍କ ଦ୍ବାରା ରଚିତ ସାଇ ମନ୍ତ୍ର “ତୁଭ୍ୟଂ ନମାମି” ବିଭିନ୍ନ ସାଇ ମନ୍ଦିରରେ ପାଠ କରାଯାଉଥିବାବେଳେ ନବାକ୍ଷରୀ ଛନ୍ଦରେ ରଚିତ “ଶ୍ରୀ ଗୁରୁ ଭାଗବତ” ଓଡିଶାର ଲୋକଙ୍କ ମଧ୍ୟରେ ଆଦୃତି ଲାଭ କରିଛି | ପିଲାଟି ଦିନରୁ ସଂଗୀତ, କଳା ଏବଂ ସାହିତ୍ୟ ପ୍ରତି ଅହେତୁକ ରୁଚି ରଖିଥିବା ପୂଜ୍ୟ ଗୁରୁଜୀ ଶ୍ରୀ ଶତପଥୀ ଆଧ୍ୟାତ୍ମିକ ଜଗତରେ ଏକ ସ୍ବତନ୍ତ୍ର ସ୍ଥାନ ହାସଲ କରିଛନ୍ତି |

ଏହି ଉତ୍ସବରେ ସୁରମଣି ପଦ୍ମଭୂଷଣ ରଘୁନାଥା ପାଣିଗ୍ରାହୀ ମୁଖ୍ୟ ଅତିଥି ଭାବେ ଯୋଗଦାନ କରିଥିଲେ, ତଥା ମଞ୍ଚ ପରିଚାଳନା କରିଥିଲେ ଟ୍ରଷ୍ଟ ର ଟ୍ରଷ୍ଟି ଶ୍ରୀ ଦେବେନ୍ଦ୍ର କୁମାର ମିଶ୍ର ଓ କଟକ ଆକାଶବାଣୀ ର ନିର୍ଦ୍ଦେଶକ ଡଃ ସୁଧା ମିଶ୍ର | କାର୍ଯ୍ୟକ୍ରମର ଶେଷ ଭାଗରେ ପ୍ରଖ୍ୟାତ କଣ୍ଠ ଶିଳ୍ପୀ ଯେପରିକି ଶାନ୍ତନୁ ଶତପଥି, ମହାପାତ୍ର ମିନତୀ ଭଞ୍ଜ, ନାଜିଆ ଆଲମ୍, ତୃପ୍ତି ଦାଶ, ଦେବାଶିଷ ଅଦି ଗୁରୁଜୀଙ୍କ ରଚିତ କିଛି ଭଜନ ଓ ଜଣାଣ ପରିବେଷଣ କରିଥିଲେ ତଥା ଗୁରୁଜୀ ନିଜେ ମଧ୍ୟ କିଛି ଭଜନ ଗାନ କରି ଉପସ୍ଥିତ ଶ୍ରଦ୍ଧାଳୁଙ୍କୁ ଉଦଭାସିତ କରିଥିଲେ |

ଏହି କାର୍ଯ୍ୟକ୍ରମ ର କିଛି ଫୋଟ ନିମ୍ନରେ ପ୍ରଦତ୍ତ:

[ସ୍ଲାଇଡ୍‌ ଭାବେ ଦେଖନ୍ତୁ]

123456►